Nga Silvi Bakiri Nuk do diskutoja me askënd poshtë nivelit që e kërkon pozicioni (për gjëra që i takojnë pozicionit). Nuk do bëja konkurrencë meskine, madje nuk do merresha aspak me konkurrencën. Do vlerësoja bashkëpunëtorët dhe miqtë e vjetër, edhe në profesion. Por veçanërisht si Presidente. Do merresha me probleme dhe problematika unike për t’i zgjidhur ato institucionalisht. Do kuptoja vlerën e fjalës. Mbajtjes së fjalës. Respektit dhe shtrëngimit të duarve. Do mbroja çdo bukuri nga gomarllëku. Do i lejoja të ishin vetvetja: djem dhe vajza. Do studioja me vëmendjen më të madhe anët e forta dhe do t’i jepja prioritet jo Dorian Grei- ve por të mençurve, edhe atyre që vijnë prej lokaliteteve, fshatrave dhe provincave. Do kuptoja me pjekuri familjen. Do sfidoja çdo egoizëm fëmijëror për t’u rritur personalisht: si qenie. Profesionalisht (si Presidente potenciale) Do bëja durim. Do kuptoja se emocionet dhe pasionet e njerëzve të dashur shpesh i referohen vetëm emocioneve dhe jo të vërtetës sime! Do studioja dhe lexoja pa fund për të bërë diferencën e vetes përpara dhe asaj pas nëpërmjet kuptueshmërisë që e sjell veçse dituria. Do lejoja krenarinë time të tejkalonte modën, ngushtësinë, meskinitetin. Do kuptoja se ‘thika’ (keqdashësia) ekziston por nuk

Nga Kim Mehmeti Duhet bërë çmos të mos plakesh qysh në rini dhe, të rinosh edhe në pleqëri! E dashur, doja të të shkruaj për atë që mësova nga leximi i mijëra librave si dhe të ta shpalos shkurtimisht atë që doja ta them nëpërmjet mijëra faqeve që kam shkruar e botuar. Mendoja se do më duhen ditë të tëra, e me qindra letra shumëfaqëshe që t’i them të gjitha, por u habita kur pash se tërë atë që di dhe që kam dashur ta them mund ta përfshij në këto pak faqe dhe në këto disa thënie të mia të mëposhtme. – Duhet bërë çmos të mos plakesh qysh në rini dhe, të rinosh edhe në pleqëri! – Njeriu duhet të mësojë të jetë i kënaqur me atë që ka dhe atë që është, sepse vetëm kështu mund të arrijë edhe atë që ëndërron! – Të mençur janë vetëm ata që e kanë kuptuar se sa i përket diturisë, njeriu ndahet nga kjo botë duke marr me vete aq urtësi, sa merr ujë notuesi në oqeanin e paskajshëm: vetëm ato pak pika që i janë ngjitur në trup gjatë notimit! – Kurrë mos bë veprime i prirë vetëm nga