Suedi, shteti u paguan rrogë gjysheve që kujdesen për nipërit

Admin
Suedia do paguajë me rrogë gjyshet që kujdesen për nipërit dhe mbesat. Qeveria suedeze ka aplikuar një program pilot që parashikon pagesën e një rroge për gjyshet që kujdesen për nipërit dhe mbesat e tyre nga e hëna në të premte. Qëllimi i këtij programi është për të përmirësuar nivelin e punësimit në vend. Dalarni dhe Stokholmi, kryeqyteti suedez, janë dy vendet ku do nisë program. Programi do nisë tek 1000 familje dhe në gjashtë muaj synohet të përhapet edhe në qytete të tjera. Mendohet se rroga bazë do jetë rreth 700 euro dhe flitet edhe për një përfitim ekstra, afërsisht 100 euro, për t’u kujdesur për fëmijët në shtëpi. Kjo do i japë mundësinë edhe nënave për të punuar të qeta. Duket aq e pabesueshme, që diçka normale siç është një gjyshe e cila kujdeset për nipërit dhe mbesat, tani do jetë një punë e paguar mirë.

Si të motivojmë punëtorët më kreativë?

Admin
Në çdo ekip apo organizatë, disa individë janë gjithmonë më shumë kreativë sesa punëtorët e tjerë, dhe sigurisht idetë janë ato që sjellin inovacionin dhe bëjnë diferencën. Ajo çfarë vihet re është që jo gjithmonë kompanitë arrijnë t’i motivojnë punëtorët që të nxjerrin në pah kreativitetin e tyre. Studimet psikologjike raportojnë se njerëzit krijues janë mjaft të ndryshëm nga të tjerët kur bëhet fjalë për personalitetin, vlerat dhe aftësitë e tyre ndaj kërkojnë vëmendje të veçantë për të nxjerrë në pah talentin e tyre. Por si mund ti motivojmë këta punëtorë? Caktoni atyre rolet e duhura! Pa marrë parasysh se ne çfarë sektori punojnë ata, e rëndësishme është që të kenë hapësirë të punojnë me kreativitetin e tyre, në të kundërt ata nuk do të japin maksimumin nëse ju i jepni ndonjë punë pa ndonjë rëndësi të madhe që nuk i përket intelektit të tyre. Ndërtimi i një ekipi rreth tyre është një nga hallkat kryesore. Këta individë me ide inovatore kanë nevojë për njerëz të tjerë po aq kreativ në mënyrë që të kombinojnë aftësitë dhe interesat e tyre të ndryshme për ti përkthyer idetë kreative në inovacione aktuale. Shpërblimi financiar bën diferencën! Nëse ju si kompani nuk i