Michelle Obama vjen në shqip me “Të bëhesh”

Admin
Libri i shumëpritur i Michelle Obamës tashmë është shqipëruar. “Becoming”, apo “Të bëhesh” është një libër me shifra rekord shitjesh. Vetëm në Amerikë i ka kaluar të 10 milionët. Ish-Zonja e Parë e Shteteve të Bashkuara të Amerikës ka shumë për të rrëfyer. E nis këtë rrëfim që në dëshirat e thjeshta të fëmijërisë e deri në të sotmen. Me një jetë të mbushur me realizime, Michele Obama shquhet si një nga gratë ikona dhe sfiduese. Si e para grua afro-amerikane që u bë “Zonja e Parë” e SHBA-së ajo dha një kontribut të madh në krijimin e një Shtëpie të Bardhë mikëpritëse dhe gjithëpërfshirëse , si dhe vendosin të gjithë pushtetin e saj në shërbim të avokatisë së çështjeve të grave dhe vajzave në SHBA dhe kudo në botë. Në çdo moment ajo qëndroi përkrah bashkëshortit të saj teksa ai drejtonte Amerikën , edhe në momente të ngarkuara të tij, duke rritur dy vajza me këmbë në tokë. Në autobiografinë e saj, fton lexuesit të hyjnë në botën e saj duke përjetuar përvojat që e kanë formuar që nga fëmijëria e saj në pjesën jugore të Çikagos, në vitet kur punonte si drejtuese e lartë, në përpjekje për të

74 vjet Masakra e Tivarit

Admin
Masakra e Tivarit, ndër tragjeditë më të rënda të kombit tonë, 74 vite më pas ka ende dritëhijet e saj, sa i përket përgjegjësve që e shkaktuan atë. Studiuesi dhe historiani Uran Butka vjen me një botim të ri, që përmban fakte historike nga arkivat jugosllave dhe ato shqiptare dhe që mbështesin tezën e kahershme të tij, se regjimi i Enver Hoxhës, është po aq përgjegjës për vrasjen e mijëra shqiptarëve në Tivar, sa ç’ishte regjimi i Titos. 24 marsi është një datë që u kujton shqiptarëve fitore, por edhe humbje të mëdha. Në këtë datë përkujtojmë sulmin e  NATO-s kundër makinerisë vrasëse të Millosheviçit, por kujtojmë edhe masakrën e Tivarit ku mijëra shqiptarë të Kosovës të rekrutuar nga ushtria nacionalçlirimtare e Jugosllavisë, u vranë në pabesi në qytetin shqiptar të Tivarit, në Mal të Zi.  Në 74-vjetorin e kësaj ngjarje që përbën ndër tragjeditë më të mëdha  në historinë e shqiptarëve, studiuesi  Uran Butka vjen me një botim të ri që tenton të hedhë më tepër dritë rreth përgjegjësve që e shkaktuan atë.  Libri “Masakra e Tivarit dhe përgjegjësia e shtetit shqiptar” i historianit Uran Butka, është një kontribut tjetër i rëndësishëm i tij në fushën e botimeve historike.