Grenell në Prishtinë: Është koha për kompromis, taksa 100% pengon ekonominë

ShijakTV
Richard Grenell, i Dërguari i Posaçëm i Presidentit Donald Trump, për dialogun Prishtinë-Beograd, zhvilloi këtë të enjte takime të veçanta me liderët politik në Kosovë. Pasi doli nga selia e Vetëvendosjes, Grenell, njëherësh ambasador i SHBA në Berlin, u tha gazetarëve se çështja e formimit të qeverisë së nuk përbën interes për atë. “Ishte kënaqësi të shoh përsëri z. Kurti, formimi i qeverisë së re nuk është problemi im dhe nuk jam i interesuar që të përfshihem aspak. Dua të them dy gjëra: i thashë z. Kurtit se ne jemi duke shikuar se çka po ndodh, ju inkurajojmë që t’i ndiqni rregullat sikur të gjithë”, tha ai. Grenell shtoi se kjo vizitë e tij në Kosovë ka për qëllim nxitjen e zhvillimit ekonomik sipas modelit të qeverisjes Trump, ndërsa evidentoi si pengesë në këtë drejtim taksën 100%. “Dua të sqaroj se shtytja ekonomike që unë dua ta bëj është më e rëndësishmja, formimi i vendeve të reja të punës, njerëzit janë të interesuar që të ndihmojnë ekonominë këtu. Administrata e Trumpit ka qenë mjaft e suksesshme në rritje të ekonomisë duke u ndihmuar bizneseve përmes qeverisë. Jam duke u munduar që të injoroj përplasjet politike dhe të koncentrohem në rritje

14 vite pa liderin historik, Haradinaj: Puna dhe angazhimi i Rugovës do kujtohet gjithmonë

ShijakTV
14 vite më parë u nda nga jeta Ibrahim Rugova, Presidenti i Kosovës, figura vizionare që udhëhoqi vendin në rrugën drejt lirisë, pavarësisë dhe demokratizimit. Në këtë përvjetor përfaqësues të Lidhjes Demokratike të Kosovës, së bashku me qytetarë të shumtë, bënë homazhe tek varri i tij. Nënkryetari i kësaj partie, Agim Veliu foli për kontributin unik të liderit historik në udhëheqjen e vendit në proceset për liri e pavarësi. “E kujtojmë arkitektin e lirisë dhe pavarësisë së Kosovës me të cilin bota demokratike gati dy dekada e personifikoi Kosovën”, thotë Veliu. Pranë varrit, Rugovës i shkoi edhe kryeministri në largim Ramush Haradinaj, i cili tha se presidenti historik do të përkujtohet gjithmonë për veprat e tij drejtë lirisë së vendit. “Në përvjetorin e ndarjes nga jeta të presidentit historik, nderojmë në emër të institucioneve por edhe si bashkëpunëtor, veprën e tij por edhe momentin e ndarjes, një moment që e mbaj mend gjithë jetën, një moment që e ka çu gjithë popullin. Kosovën e presin sfida po puna dhe angazhimi i presidentit Rugova jetojnë gjithnjë”, ka deklaruar Haradinaj. Zyrtarët e LDK-së vizituan edhe familjen e Presidentit Rugovës. Ibrahim Rugova u nda nga jeta më 21 janar të vitit 2006, duke

Refuzoi takimin në Presidencë, Thaçi dekreton Albin Kurtin si kryeministër

ShijakTV
Presidenti i Kosovës, Hashim Thaçi ka dekretuar Albin Kurtin në postin e kryeministrit të Kosovës. Më herët, Thaçi e ftoi Kurtin në zyrë në Presidencë për t’i dorëzuar mandatin, por ky i fundit e refuzoi. Thaçi ka bërë me dije se pas pranimit të propozimit për mandatar, Dekretin Presidencial me emrin e kandidatit për Kryeministër, e ka dërguar zyrtarisht në Kuvendin e Republikës së Kosovës. “Pas pranimit të propozimit për mandatar për formimin e Qeverisë së Republikës së Kosovës, Dekretin Presidencial me emrin e kandidatit për Kryeministër e dërgova zyrtarisht në Kuvendin e Republikës së Kosovës. Ky është hap shumë i rëndësishëm për krijimin e institucioneve të reja dhe nga sot fillon edhe rrjedhja e afatit kushtetues për formimin e Qeverisë së Republikës së Kosovës.“, ka shkruar Thaçi. Kurti sqaroi përmes një video mesazhi në facebook, se ka dorëzuar letrën për vendimin e mandatarit për formimin e qeverisë, pa arritur një marrëveshje me Lidhjen Demokratike të Kosovës. Lideri i VV-së, tha se deri sot nuk ishte dorëzuar ky vendim tek Presidenti, për shkak se kanë pritur LDK-në që të arrijnë një marrëveshje për bashkëqeverisje. Ndër të tjera, ai tha se janë të gatshëm për takime të reja me LDK-në, në

Kurti: Ende s’kemi marrëveshje me LDK, po presim t’i kthehemi bisedimeve

ShijakTV
Kreu i Lëvizjes Vetëvendosje, Albin Kurti ka sqaruar përmes një video mesazhi në facebook, se ka dorëzuar letrën për vendimin e mandatarit për formimin e qeverisë së Kosovës, pa arritur një marrëveshje me Lidhjen Demokratike të Kosovës. Lideri i VV-së, shprehet se deri sot nuk është dorëzuar ky vendim tek Presidenti për shkak se kanë pritur LDK-në që të arrijnë një marrëveshje për bashkëqeverisje. Ndër të tjera, ai tha se janë të gatshëm për takime të reja me LDK-në, në mënyrë që të gjenden alternativa për arritjen e një marrëveshje. Reagimi i plotë: Propozimin e Lëvizjes Vetëvendosje si subjekt fitues në zgjedhje e 6 tetorit kemi dashur ta dërgojmë te presidenti pas një marrëveshje me LDK-në. Në mbledhjen konstituive më 26 dhjetor shkova pa pasur një marrëveshje edhe te presidenti më 6 janar shkova pa marrëveshje paraprake. Dy javë pas takimi katër minutësh nuk kemi marrëveshje.  Ne sot po e dërgojmë propozimin tonë me shkresë te Presidenti. Sekretarja jonë organizative, Vlora Haxhimehmedi, do ta bëjë këtë. Ne nuk e kemi pranuar propozimin e fundit të drejtuesve të LDK-së por jemi treguar shumë të gatshëm për takime të mëtejme me synim gjetjen e alternativave tjera që do ishin të pranueshme për

Vetëvendosje i përgjigjet Thaçit, çon emrin e Kurtit si mandatar për Kryeministër

ShijakTV
Vetëvendosje ka propozuar kryetarin e saj, Albin Kurti, si mandatar për formimin e Qeverisë së Kosovës. Zyra për Informim e Lëvizjes Vetëvendosje konfirmoi për mediet në Kosovë, se ka i dërguar propozimin zyrtar presidentit të Kosovës, Hashim Thaçi. Lëvizja Vetëvendosje, si subjekt i parë i dalë nga zgjedhjet e 6 tetorit, gëzon të drejtën e të nominuarit të mandatarit të kryeministrit të vendit. Në momentin që Thaçi pranon propozimin dhe e dekreton atë, cka pritet të ndodhë brenda ditës së sotme, sipas afatit kushtetues brenda 15 ditësh duhet të formohet qeveria e re.

Albin Kurti letër Thaçit: Jemi pranë marrveshjes me LDK, mos bëj presion

ShijakTV
Kryetari i Lëvizjes Vetëvendosje, Albin Kurti, i ka dërguar një letër  Presidentit të vendit, Hashim Thaçi në lidhje me kërkesën e këtij të fundit që të nominohet mandatari për kryeministër të vendit. Kurti i kërkon Thaçit   të mos bëjë vlerësime politike dhe presion përmes paragjykimit të procesit politik të formimit të qeverisë, proces që sipas tij është i përcaktuar qartë me Kushtetutë dhe i sqaruar në hollësi me aktgjykime të Gjykatës Kushtetuese ku presidenti nuk mund të bëjë interpretime shtesë. Sipas Kurtit, Kushtetuta nuk i njeh presidentit të republikës asnjë autoritet për të ushtruar një vetemërim, vetësugjerim për emërim ose vetëpërcaktim të kandidatit që përfaqëson vullnetin e subjektit politik fitues të zgjedhjeve. Kryetari i VV-së  gjithashtu shkruan se roli i presidentit është pasiv në të gjithë procesin e krijimit të qeverisë dhe se vetëm formalisht mandaton një kandidat pasi atij i dërgohet emri nga subjekti që ka shumicën parlamentare. Kurti tërheq vëmendjen se një veprim ndryshe i Thaçit mund të shtrembërojë rendin kushtetues, siç sipas tij janë edhe interpretimet subjektive dhe të pabaza se ndokush obligohet të veprojë shpejt apo ngadalë. Në fund, Kurti thotë se VV nuk po e shfrytëzon këtë kohë për të neglizhuar ndërtimin e koalicionit as

‘Kosova po rrezikohet’, Haradinaj-Kurtit: Krijo qeverinë e re ose hap rrugë

ShijakTV
Kryeministri në largim i Kosovës, Ramush Haradinaj i ka drejtuar një mesazh të qartë liderit të Vetëvendosjes, Albin Kurtit, për t’i dhënë fund gjendjes së krijuar, dhe të formojë qeverinë e re, në të kundërt, thotë ai, tu hapë rrugë opsioneve të tjera. Sipas tij, kjo situatë po sjell pasoja të rënda në funksionimin e vendit. “Të deklaron çka i propozon Kosovës fituesi i zgjedhjeve në këtë rast. Le të deklaron për çka është. A është për një qeveri teknike, a është për një qeveri tjetër, a është për të shkuar në zgjedhje. Por diçka duhet t’i thotë Kosovës nuk mund ta mbajë varur. Nuk po e them këtë me nxënë ngushtë Kurtin, sepse Kosova është e zënë ngushtë. Detyra e qeverisë janë në krizë, shiheni procesin. Unë jam i detyruar t’i them këto për shkak se unë më së miri e di se jam kryeministër në detyrë dhe jam përgjegjës”, ka deklaruar Haradinaj. Ngërçin për formimin e qeverisë së re dhe mosarritjen e marrëveshjes me LDK-në, Haradinaj e vlerëson si shumë të rrezikshme, ndërsa përgjegjës për këtë, ai bën Kurtin dhe VV-në, si parti fituese të zgjedhjeve të 6 tetorit. “Ajo çka më shqetëson është mbajtja peng e procesit.

Thaçi sërish letër Albin Kurtit: Dorëzoni emrin e kandidatit për kryeministër, ose veproj ndryshe

ShijakTV
Pasi i caktoi një afat prej 48 orësh për formimin e qeverisë së re, Presidenti i Kosovës, Hashim Thaçi, i ka dërguar këtë të premte një letër kreut të Lëvizjes Vetëvendosje, Albin Kurti. Ai i kërkon Kurtit që të propozojë një emër, ose në rast refuzimi të zbatohet pika 87 e Aktgjykimit të Gjykatës Kushtetuese, që të vijohet me mandatimin e dikujt tjetër. “Si President i Republikës së Kosovës jam i obliguar që të ndërmarr veprime pa vonesa të mëtejme, duke ndjekur të gjithë hapat kushtetues që qytetarët e Republikës së Kosovës ta kenë sa më shpejtë qeverinë e tyre. Duke marrë parasysh parimet demokratike, transparencën dhe korrektësinë politike, ua kam dhënë mundësinë dhe kam kërkuar në vazhdimësi që ta propozoni kandidatin/en për Kryeministër. Duke marrë parasysh edhe Pikën 87 të Aktgjykimit të Gjykatës Kushtetuese në rastin nr. K0103/14, e cila vëren ‘se nuk përjashtohet që partia ose koalicioni në fjalë do të refuzojë të marrë mandatin. Në cilindo rastë të pranimit ose të propozimit të kandidatit për kryeminsistër, luteni që të njoftoni sa më shpejt sipas premtimit tuaj nga takimi ynë, në mënyrë që unë ti ndërmarr të gjitha hapat e përcaktuar në Kushtetutë dhe të dekretoj kandidatin për

Kosovë, rriten tarifat për marrjen e një vize Shengen

ShijakTV
Bashkimi Europian, jo vetëm që mban të izoluar shtetasit e Kosovës, duke iu mohuar lëvizjen e lirë, përkundër çdo kriteri të përmbushur nga qeveria e këtij vendi, por ka lejuar shtetet anëtare të sistemit “Shengen” të rrisin tarifat për marrjen e një vize. Qytetarët e Kosovës, që nga shkurti i këtij viti, për një vizë Shengen do të duhet të paguajnë 33 për qind më shumë nga tarifa që ishte deri tani në fuqi. Kosova shpreson që heqja e vizave të jetë pjesë e axhendës së takimit të Këshillit të BE-së, që do të mbahet këtë mars. Kjo për faktin se Kroacia dhe Gjermania, dy shtete mike të Kosovës, do të udhëheqin Presidencën e BE-së në dy 6-gjashtëmujorit këtë vit. Megjithatë ekspertët në Kosovë i druhen një penalizimi afatgjatë, referuar edhe ngërçit politik, të krijuar prej muajsh në Kosovë, çka ul nivelin e kredibilitetit të institucioneve, në sytë e organizmave europian. Kosova është i vetmi vend në rajon që nuk gëzon të drejtën e lëvizjes së lirë në zonën “Shengen”, në një kohë kur po tentohet t’i imponohet përfshirja në një nismë vicioze, të ashtuquajtur “minishengeni ballkanik”

Sulmi i Iranit, Haradinaj: Akt i rëndë agresioni, prek dhe qytetarët tanë

ShijakTV
Kryeministri i Kosovës në largim, Ramush Haradinaj ka dënuar sulmet e Iranit mbi bazat amerikane në Irak. Ndërsa e ka cilësuar sulmin si një akt të rëndë agresioni, Haradinaj shprehet se Kosova qëndron e palëkundur në mbështetje të Shteteve të Bashkuara. “Kosova qëndron e palëkundur në mbështetje dhe përkrahje te ShBA-ve. E dënojmë sulmin e Iranit ndaj bazave ushtarake amerikane në Irak dhe e vlerësojmë këtë sulm si akt i rëndë agresioni ndaj ShBA-ve. Njëkohësisht institucionet e Kosovës, janë duke i përcjellur me vëmendje këto zhvillime që prekin edhe jetën e qytetarëve tanë, të cilët punojnë përkrah trupave amerikane në këto baza. Qeveria e vendit qëndron përkrah ShBA-ve, në ofrimin e paqes dhe sigurisë ne botë.”, ka shkruar Haradinaj.