Përfaqësuesi i LSI-së, Eriol Braimllari në një intervistë për Shijak Tv, foli në lidhje me tryezën e përbashkët mes palëve politike në kuadër të Reformës Zgjedhore. Braimllari theksoi se LSI është e angazhuar në implementimin e Reformës, si të vetmen alternativë për për të ndërtuar institucione të forta, të cilat rrisin standardet demokratike drejt integrimit europian të vendit. “Ne jemi shumë të qartë në qëndrimet tona. Opozita ka marrë përgjegjësinë e saj përpara qytetarëve që të përshpejtojmë rrugën europiane të vendit, por edhe për tu garantuar një proces zgjedhor të lirë, pa impaktin e kriminelëve, të presionit të administratës apo të qeverisë. Kështu që me të gjithë ekspertizën tonë jemi angazhuar deri më 15 mars që është edhe afati përfundimtar që është vendosur nga tryeza e përbashkët.” Opozita është e angazhuar ndaj këtij procesi, për t’i dhënë fund shitblerjes së votës dhe kriminalizimit të zgjedhjeve, theksoi Braimllari, që më pas do të pasojë zgjedhjet e parakohshme. “Nga ana tjetër, për sa i përket kushteve të Bundestagut, kushti i radhës është implementimi i Reformës Zgjedhore. Ne jemi të përgatitur që pas konkludimit të kësaj reforme, do ti shpalosim qytetarëve alternativën tonë për të kaluar në zgjedhje.”, shtoi ai.

Kryetari i emëruar në Bashkinë e Mallakastrës, Qerim Ismailaj ka depozituar shenjat e gishtave. Kjo ka ardhur pas kërkesës së njësisë së Dekriminalizimit në Prokurorinë e Përgjithshme. Organi i Akuzës ka nisur verifikimet për Ismailajn, pas kërkesës së Partisë Demokratike. Përveç marrjes së shenjave të gishtërinjve, Prokuroria i ka nisur kërkesë Komisionit Qëndror të Zgjedhjeve ta njohë me formularin e dekriminalizimit të depozituar nga Qerim Ismalilaj pranë këtij institucioni. Ndërkohë pritet ditët në vijim, Prokuroria të nisë një letër porosi, drejt autoriteteve greke, për të marrë një përgjigje zyrtare, lidhur me të shkuarën kriminale të Ismailaj. Partia Demokratike publikoi pak ditë më parë dokumentin e Prokurorisë Greke që fakton se kryebashkiaku i emëruar i Mallakastrës Qerim Ismailaj, është dënuar me 3 vite burg në Greqi. Ky i fundit, e fshehu ndalimin dhe dënimin në formularin e dekriminalizimit. Si rrjedhojë në bazë të ligjit, ai nuk duhet të ushtrojë funksionin publik.

Operatori i Shpërndarjes së Energjisë Elektrike ka humbur 64 milionë euro vitin që shkoi, duke e zhytur kompaninë publike në një gropë të madhe abuzimesh dhe korrupsioni, ndërkohë që qytetarët paguajnë çmimin më të lartë të energjisë në rajon. Partia Demokratike përmes sekretarit të Burimeve Njerëzore, Ervin Miranolli, denoncon se vetëm vitin që shkoi OSHEE ka tenderuar 75 milionë euro, kryesisht pa garë, me përfitues të vetëm miqtë e kryeministrit Rama. “Përfitues të miliona eurove në mënyrë të përsëritur nga partia e babëzisë janë miqtë dhe klientët e Edi Ramës, Papuli, Kastrati, Fusha, Gentian Sula i koncesionit të pompave të naftës, Anri Sala i ekspozitave të Edi Ramës apo kompania që merret me imazhin propagandistik të Ramës dhe Veliajt, DixhiPrint Al.”, shprehet ai. Sipas Minarollit, kompania që mbahet nga faturat e shtrenjta të energjisë dhe paratë e shqiptarëve, ka bërë edhe më të pasur kryebashkiakët ilegjitimë Safet Gjicin e Kukësit, Pjerin Ndreun e Lezhës, Agim Kajmakun e Vorës, dhe Ilir Beqjen. “Nuk ka oligark, klient apo shërbëtor politik të Ramës që nuk ka zhvatur para nga tenderat e fryrë të OSHEE-së. Në vitin e gropës së madhe financiare kompania, që mbahet nga faturat e shtrenjta të energjisë dhe paratë e

“Që Rama është tradhëtar dhe Haradinaj patriot, këtë nuk ka gjyq që e ndryshon.” Kështu është shprehur nënkryetari i LSI-së, Petrit Vasili, në një reagim në facebook, pas padisë që kryeministri Edi Rama ka depozituar në Gjykatën e Prishtinës, ndaj homologut të tij, Ramush Haradinaj. Pëmes një reagimi në facebook, Vasili shprehet se Rama bën gjithçka kundër interesave shqiptare për karrigen e tij, ndërsa Haradinajt nuk i intereson asgjë përpara interesit të Kosovës. “Qe Rama eshte tradhetar dhe Haradinaj patriot kete s’ka gjyq qe e ndryshon. Qe Rama e urren Shqiperine dhe Haradinaj derdh gjak per Kosoven as kete nuk e ndryshon dot asgje. Qe Rama shkaterron Shqiperine per karrigen e tij dhe Haradinajt nuk i intereson fare karrigia e tij para interesit te Kosoves as kete nuk e luan topi. Qe Rama kryeminister vjedh zgjedhjet ne Shqiperi dhe Haradinaj kryeminister ben zgjedhje shembullore ne Kosove as kete s’ka bir nene ta diskutoje. Qe Rama i percan shqiptaret dhe Haradinaj i bashkon as kete nuk e diskuton dot kerkush. Ky eshte Rama dhe ky eshte Haradinaj dhe gjykimi i shqiptareve eshte bere dhe vendimi i tyre eshte : Rama eshte tradhetar dhe Haradinaj patriot!!”, ka shkruar Vasili. Kreu i qeverisë

Presidenti i Republikës Ilir Meta çmoi sot Dëshmorin e Atdheut Hamit Dollani (pas vdekjes) me “Dekoratën e Artë të Shqiponjës”, me motivacionin: “Për veprimtarinë e tij patriotike dhe trimërinë e treguar gjatë luftës kundër pushtuesve fashistë, si luftëtar i orëve të para, duke sakrifikuar edhe jetën për lirinë e vendit”. Në fjalën e tij përshëndetëse në ceremoninë solemne të organizuar në institucionin e Presidencës, Meta tha se historia jonë është e mbushur me shembuj aktesh heroike si kjo e Hamit Dollanit, prandaj sakrificat e tyre duhen vlerësuar. ‘Historia jonë është e mbushur me shembuj aktesh heroike si kjo e Hamit Dollanit. Ndaj është shumë e rëndësishme që sakrificat sublime të dëshmorëve tanë të njihen dhe të vlerësohen akoma më shumë nga brezat e rinj.”, u shpreh Kreu i Shtetit. Fjala e plotë e Presidentit Meta: “Jam i privilegjuar të nderoj sot me Dekoratën e Artë të Shqiponjës një figurë emblematike dhe të shquar të rezistencës Antifashiste, Dëshmorin e Atdheut, Hamit Dollani.  Hamit Dollani është një nga dëshmorët e parë të rezistencës Antifashiste, i cili ra heroikisht përkrah mikut të tij Mujo Ulqinaku, në Durrës më 7 prill 1939, kundër pushtuesve italianë. Së bashku me mikun e tij të ngushtë, Mujo

Sekretari i Përgjithshëm i PD-së, Gazment Bardhi ka reaguar sërish pas publikimit të kryebashkiakut të pestë me të shkuar kriminale. Ndërsa ka publikuar një foto me të gjitha rastet që PD, ka denoncuar, Bardhi shprehet se Rama nuk mund të fshihet pas përgjegjësisë ligjore personale të 5 kryebashkiakëve ilegjitimë të emëruar prej tij, Valdrin Pjetrit të Shkodrës, Agim Kajmakut të Vorës, Mark Babanit të Vaut të Dejës, Qerim Ismailajt të Mallakastrës apo Agron Malajt të Matit. Ai akuzon kryeministrin Edi Rama si përgjegjësin kryesor të promovimit dhe përzgjedhjen e tyre për pushtetin vendor. ”Ai është arkitekti i promovimit të krimit në politikë dhe ndërtimit të modelit kriminal të bashkëqeverisjes me krimin e organizuar, që ka demotivuar të rinjtë dhe të rejat e këtij vendi dhe po i detyon të largohen nga vendi”,  ka shkruar Bardhi ndërsa ka drejtuar kreut të qeverisë disa pyetje. – Pse në vend të një socialisti të ndershëm në Shkodër, përzgjodhi dhe kandidoi një trafikant droge? – Pse në vend të një socialisti të ndershëm në Vorë, përzgjodhi dhe kandidoi një fallsifikator? – Pse në vend të një socialisti të ndershëm në Vaun e Dejës, përzgjodhi dhe kandidoi një hajdut? – Pse në vend të një

Nga Çlirim Gjata Edi Rama ka paditur Ramush Haradinajn në gjyq. Kryeministri i Shqipërisë padit kryeministrin e Kososvës. A mendon njeri se mund të ndodhte ndonjëherë e kundërta?? Ndërkohë që Edi Rama duhet dënuar për tradhëti kombëtare në raport me Kosovën, si për tentativën e ndarjes së territoreve të saj me Serbinë, ashtu edhe për të ashtuquajturin minishengen, një projekt ky, tejet antikombëtar. Po si mundet ky kryeministër pa kurrfarë personaliteti, të padisë në gjyq një ish-luftëtar të UÇK, që ka luftuar me armë për lirinë e Kosovës, për lirinë e gjysmës së kombit shqiptar?! Që i janë vrarë vëllezërit dhe të afërm të tjerë në këtë luftë për të njëjtat qëllime. Rama nuk ka denoncuar në gjykatë thjesht Haradinajn, por të gjithë dëshmorët e Kosovës. Dhe nuk është se nuk e kupton këtë, por nuk vepron dot ndryshe. Urdhrat janë urdhra. Njësoj si Enver Hoxha, që e shiti Kosovën edhe Rama po bën minishengenin(nje shitje e re e saj) dhe kërkon dënimin e kosovarëve në gjykatë. Kur e mendon që në vitin 2007, në Tiranë mbërriti George W. Bush, Presdidenti i Shteteve të Bashkuara të Amerikës me ftesë të Kryeministrit Berisha. Ndërsa në vitin 2019 mbërriti Aleksandar Vuçiç ,

Departamenti Amerikan i Shtetit ka reaguar lidhur me dëbimin nga Shqipëria të dy diplomatëve iranianë pak ditë më parë. Lajmin e ka bërë me dije ambasada amerikane përmes një reagimi në facebook. “Ne përgëzojmë vendimin e qeverisë shqiptare për të dëbuar dy të ashtuquajtur diplomatë iranianë. Regjimi i Iranit vazhdon të përdorë mjetet e tij diplomatike në Europë dhe vende të tjera, si maskim për të komplotuar sulme terroriste, si dhe për të kërcënuar dhe përgjuar iranianët që jetojnë jashtë vendit të tyre.” – Zëdhënësja e Departamentit të Shtetit Morgan Ortagus. Ministria për Evropën dhe Punët e Jashtme njoftoi që përfaqësuesit diplomatikë të Ambasadës së Iranit, Mohammad Ali Arz Peimanemati dhe Seyed Ahmad Hosseini Alast, janë shpallur persona të padëshirueshëm, për shkak të zhvillimit të veprimtarisë në mospërputhje me statusin e tyre dhe parimet e Konventës së Vjenës për Marrëdhëniet Diplomatike.