Omicron, Norvegjia përshkallëzon masat/ Bën të detyrueshëm testin Covid në të gjitha pikat kufitare

Shfaqja e Omicron ka alarmuar të gjitha vendet e Europës, të cilat kanë përshkallëzuar masat kufizuese me qëllim frenimin e përpahapjes së metjeshme dhe ruajtjen e shëndetit publik. Norvegjia ka vendosur testimin e detyrueshëm për Covid-19 në të gjitha pikat kufitare në hyrje të vendit. Mësohet se testi ndaj Covid-19 është i detyrueshëm për të gjithë, duke përfshirë edhe ata që kanë certifikatë vaksinimi. Urdhri vjen si shtesë për masat kufizuese të vendosura më parë për të gjithë personat që futen në Norvegji, ku përveç regjistrimit në internet përpara nisjes dhe rezultatit negativ të testit për koronavirus të kryer brenda 24 orëve të fundit, tani udhëtarët do t’i nënshtrohen edhe një testi në pikat kufitare. Ata që kanë kryer ciklin e plotë të vaksinimit dhe personat që e kanë kaluar Covid-19 në gjashtë muajt e fundit përjashtohen nga kërkesa për të kryer testin gjatë 24 orëve të fundit, ndërsa të gjithë personat që ende s’janë vaksinuar dhe futen në Norvegji do t’i nënshtrohen një karantine prej 10 ditësh.

%d bloggers like this: