Nuk u shfaq në Kuvend, Rama gënjeu një Shqipëri/ Rushaj replika me Nikollën: Kjo është tallje me qytetarët

Nënkryetari i Partisë Demokratike, Alfred Rushaj e ka konsideruar një tallje mosprezencën e kryeministrit Edi Rama në sallën e Parlamentit, ndërsa e ka akuzuar këtë të funti se ka gënjyer deputetët, kryetaren e Kuvendit dhe një Shqipëri të tërë . Në një debat me kryetaren e Kuvendit Lindia Nikollën, Rushaj është shprehur se Rama duhet të dalë përpara shqiptarëve dhe të ballafaqohet për ato që tha në seancën e paradites. Po ashtu ai ka kërkuar edhe respektimin e kërkesës së Grupit Parlamëntar të drejtuar nga Mesila Doda për një pushim 30 minuta.

“Ka një kërkesë të një grupi tjetër parlamentar. Thatë që kryeministri do të fliste në orën 5. Kjo është të tallësh me shqiptarët dhe përgjegjësinë ndaj tyre. Unë shoh dy figura të larta, kryeministrin e vendit që nuk vjen të ballafaqohet me programin dhe kryetaren e parlamentit që thotë të pavërteta në emër të kryeministrit. Këtë përgjegjësi e ka marrë përpara të gjithë shqiptarëve dhe duhet t’u dali për sot. Së paku do të ishte e udhës të na thoni pse kryeministri gënjeu përsëri. Nuk është fjala për Edi Ramën këtu, është fjala se si kryeministri ka njoftuar të gjithë shqiptarët se do të vijë të përballet me ato që tha paradite”- tha Rushaj.

%d bloggers like this: