Kina, vendi i origjinës së Covid në alarm nga varianti Delta/ Rritet sërish numri i të infektuarve

Lehtësimi i masave kufizuese nga sezoni turistik veror, i ka dhënë hapësirë koronaviorusit përmes varianit Delta, që të ketë një përhapje shqetësuese, ndaj dhe shumë vende të botë kanë filliaur të ripërshkallëzojnë masat. Përhapja e variantit Delta të Covid-19 i cili është më ngjitës se variantet e tjera ka ngritur alarmin në vendin e origjinës së virusit, Kinë pasi numri i rasteve të transmetuara lokalisht ka shënuar rritje. Komisioni Kombëtar i Shëndetit i vendit tha se nga 75 infeksione të përgjithshme të koronavirusit të raportuara dielën, të paktën 53 ishin raste vendase. Shumica prej tyre, gjithsej 30, u raportuan nga provinca lindore Jiangsu, shtoi komisioni. Të shtunën, 30 raste të tilla lokale u raportuan në gjithë Kinën, nga të cilat 19 u zbuluan në të njëjtën provincë. Menjëherë pas shpërthimit, autoritetet lokale rritën numrin e testimeve në përpjekje për të zbuluar raste pozitive në fazën më të hershme të mundshme. Gjithashtu, kufizime u vendosën në lëvizjen e njerëzve të rajonit, ku linjat e autobusëve në distanca të gjata dhe turne u ndaluan. Shërbimet e shpërndarjes, përfshirë ushqimin, gjithashtu janë ndalur.

%d bloggers like this: