E vërteta e telefonatës së Ramës me Macron…

Ambasadorja franceze në Shqipëri Christine Vasac ka komentuar sot krizën politike në vend. Vasac theksoi se krizën nuk e zgjidhin diplomatët e huaj dhe ajo çka është e sigurt është se qytetarët e këtij vendi meritojnë një zgjidhje të shpejtë. Sa i përket qëndrimit të Francës dhe Holandës për çeljen e negociatave, Vasac tha se deri në tetor mund të ndodhin shumë gjëra.

“Për politikën shqiptare asnjëherë nuk themi asnjëherë. Nuk mund ta fsheh, të gjithë e dimë që situata është e tillë jemi në një krize politike, nuk kam asnjë dyshim që në të gjitha anët dhe nivelet ka njerëz të arsyeshëm që janë duke kërkuar një zgjidhje. Ju e dini mire që nuk është një diplomat i huaj që t’i japë një zgjidhje kësaj situate, por njerëzit e këtij vendi meritojnë një zgjidhje të arsyeshme”, deklaroi ambasadorja franceze.

Ambasadorja Vasac foli edhe për telefonatën e Ramës dhe Macron të cilën e konsideroi pozitiv. “Edhe njëherë nuk më takon mua të prononcohem për këtë temë, ashtu siç mund ta dini para 3 ditësh ka pasur një telefonatë midis presidentit Macron dhe zotit Rama. Kjo është diçka e mirë, pozitive, unë nuk mund të them diçka me detaje sepse nuk isha gjatë kësaj bisede por e vlerësoj”, tha ajo.

Lidhur me integrimin e Shqipërisë, ambasadorja u shpreh se asgjë nuk është vendosur dhe se gjithçka mund të ndodhë deri në tetor.

“Politika gjithashtu, të gjithë njerëzit, ju po më drejtoni pyetjen mbi qëndrimin e Holandës dhe Gjermanisë nuk di t’u them por edhe me Francën nuk di t’u them diçka, por nuk është diçka e mbyllur. Nuk ka diçka të mbyllur sepse ka ende kohë deri në muajin tetor dhe mund të ndodhin shumë gjëra deri në tetor”, tha ambasadorja franceze.

Ajo theksoi se Shqipëria ashtu si dhe vendet e tjera në rajon kanë vendin e tyre në Bashkimin Europian.

Pyetjes figurative a do digjet Shqipëria si Notre Dame, Vasac iu pergjigj: “Ashtu si Fenixi ne rilindim nga hiri dhe në lidhje me Shqipërinë, Shqipëria nuk është duke u djegur”.

Këto deklarata ambasadorja Franceze i dha gjatë ekspozitës nga fotografi Roland Tasho me titull “Notre-Dame, një vështrim fotografik” gjatë mbrëmjes së të premtes në pedonalen e qytetit.

Lini Nje Koment