Meta përkulet përpara atit të shtetit shqiptar: “Ëndrra e Ismail Bej Vlorës, Shqipëria Evropiane!”

Presidenti i Republikës, Ilir Meta nderoi të enjten veprën dhe kujtimin e themeluesit dhe kryeministrit të shtetit shqiptar Ismail Bej Vlorës, me rastin e 100-vjetorit të ndarjes nga jeta të tij. Pasi u përul me respekt para shtatores së burrit të madh të kombit që shpalli pavarësinë e Shqipërisë në 1912 në Vlorë duke themeluar shtetit modern shqiptar, Presidenti Meta vendosi një buqetë me lule duke nderuar veprën e Tij të ndritur. Presidenti i Republikës tha në prani të mediave, se përulet përpara shtatores të themeluesit të shtetit tonë modern dhe Atit të Shqipërisë, Ismail Qemalit në këtë 100-vjetor të kalimit të tij në përjetësi, për shkak të veprës së tij të ndritur që ai me shumë patriotë të tjerë realizuan më 28 Nëntor të vitit 1912!

“Sot është momenti jo vetëm të përkulemi përpara veprës së tij, por edhe të angazhohemi për forcimin e shtetit shqiptar për ruajtjen dhe lartësimin e simboleve tona kombëtare, por njëkohësisht edhe për përmbushjen e ëndrrës së tyre për një Shqipëri plotësisht europiane”, u shpreh Ilir Meta./Shijaktv.al

 

%d bloggers like this: