Gjosha: Sikur shteti të ketë zell në luftën ndaj krimit, siç ka për të arrestuar qytetarët

Gjosha: Sikur shteti të ketë zell në luftën ndaj krimit, siç ka për të arrestuar qytetarët

Deputetja e LSI-së dhe ish-ministrja e integrimit Klajda Gjosha, ka reaguar ndaj situatës së krijuar mes shtetit dhe banorëve të Unazës së Re, ku 600 familje mbeten pa strehë mbi kokë.

Gjosha shkruan se “sa mirë do të ishte që shteti të ushtronte të njëjtin zell dhe pasion për luftën kundër krimit, siç e ushtron për të arrestuar protestuesit, qytetarët e thjeshtë të këtij vendi.”

Ja reagimi i plotë

Sa mirë do të ishte që shteti të ushtronte të njëjtin zell dhe pasion për luftën kundër krimit, siç e ushtron për të arrestuar protestuesit, qytetarët e thjeshtë të këtij vendi. Ashtu me të njëjtin pasion që kërkonin të kapnin djalin 17 vjeçar të protestës, ku inati lexohej në sytë e policisë së shtetit! Ndoshta ky pasion vazhdon ende të ushtrohet brenda komisiarateve, ku këta qytetar mbahen të mbyllur.

Sa mirë do të ishte që shteti të bënte luftën e pa kompromis me krimin, ashtu me të njëjtën arrogancë që përdor me 600 familjet që do të mbeten pa strehë, në një nga zonat më të rëndësishme të Tiranës.

Ndjej keqardhje për qeverinë e vendit tim, për njerëzit që na drejtojnë dhe për lotët e qytetarëve të dëshpëruar, që sot janë më të pashpresë se kurrë!

Lini Nje Koment